image Serbia mbështet Rusinë edhe përmes Eurovizionit, përfaqësuesja e saj shfaqet me tavolina me simbolin ‘Z’ - Sinjali

Serbia mbështet Rusinë edhe përmes Eurovizionit, përfaqësuesja e saj shfaqet me tavolina me simbolin ‘Z’

news image

Këngëtarja serbe Ana Duriq e njohur si Konstrakta, do ta përfaqësojë Serbinë në Eurovizionin e këtij viti.

Në fotografinë zyrtare të Eurovizion 2022, ajo shihet e ulur me një fustan ngjyrë të kuqe, ku përballë ka dy tavolina në formë të shkronjës Z.

Kjo ka nxitur reagime nga të tjerët duke thënë se Serbia po e mbështet edhe përmes Eurovizionit, pushtimin e Ukrainës nga Rusia.

“Përfaqësuesja serbe në #Eurovision 2022 në fotot zyrtare të Eurovizionit është fotografuar me një tavolinë në formë ‘Z’. Pyetja është nëse #Serbia po e mbështet okupimin #rus në #Ukrainë përmes Eurovizionit duke përdorur këtë simbol?!”, ka shkruar Eurovision Kosova në Twitter.

Konstrakta fitoi famë më të madhe pasi fitoi konkursin kombëtar të përzgjedhjes për Eurovizion Song Contest 2022 në Torino të Italisë me këngën “In corpore sano”.

Eurovizion2022 do të nisë më 10 maj dhe nata finale do të mbahet më 14 maj, e diel.

Shqipëria në këtë festival do të përfaqësohet nga këngëtarja Ronela Hajati, me këngën “Sekret”.

/GazetaSinjali/


Shpërndaje artikullin