Prishtina ka arritur që me shumë mund të mposhtë Rahovecin në kuadër të Superligës së Kosovës në basketboll.

Bardhekaltërit triumfuan me rezultat të ngushtë 86:83, shkruan Sinjali Sport.

Një përballje e barabartë nga fillimi e deri në fund, me ndryshime të vogla të rezultatit, u fitua nga kryeqytetasit, pasi shënuan në sekondat e fundit me anë të basketbollistit Dachon Burke.

Paraqitja fantastike e Burke që i shënoi 33 pikë, ishte vendimtare për vendasit.

Në tjetrën anë Nick Banyard me 30 pikë dhe 10 kërcime ishte më i dalluari për mysafirët.

Prishtina me këtë fitore arrin në kuotën e tri fitoreve, derisa ka edhe dy humbje në pozitën e katërt.

Vreshtarët pas kësaj humbje gjenden në pozitën e shtatë me një fitore e katër humbje, duke vazhduar formën e dobët këtë sezon.    /Gazeta Sinjali Sporti/