Disa rrugë të Kosovës janë bërë të pakalueshme shkaku i reshjeve të dendura të borës, shkruan Gazeta Sinjali.
Ndonëse Ministria e Infrastrukturës në mëngjes tha se të gjitha rrugët janë të kalueshme, qytetarët janë ankuar për gjendje të keqe të rrugëve.
Një nga rrugët e bllokuara, është edhe ajo Shtime – Ferizaj.
Një sinjalizues ka dërguar fotografi nga kjo rrugë dhe thotë se janë bllokuar aty tash e 40 minuta.
Sipas tij, ende nuk ka ardhur ndonjë automjet nga Ministria e Infrastrukturës që ta pastrojë rrugën.
