Ministria e Shëndetësisë dhe Mirëqenies Sociale në Shqipëri ka njoftuar se në 24 orët e fundit janë shënuar 19 viktima dhe 846 raste të reja me koronavirus, shkruan Gazeta Sinjali.
Sipas njoftimit, aktualisht në katër spitalet COVID janë duke u trajtuar 468 pacientë, prej të cilëve 41 janë në terapi intensive dhe 11 janë të intubuar.
Po ashtu, bëhet e ditur se në 24 orët e fundit 312 qytetarë janë shëruar nga koronavirusi, duke e çuar kështu numrin e të shëruarve në 21 mijë e 286 që nga fillimi i pandemisë.
