image Rritet numri i të punësuarve në Kosovë - Sinjali

Rritet numri i të punësuarve në Kosovë

news image

Agjencia e Statistikave të Kosovës (ASK) ka publikuar rezultatet e statistikave afatshkurtra të shërbimeve, për tremujorin e parë 2021, transmeton Gazeta Sinjali.

Sipas ASK-së, në tremujorin e parë të vitit 2021, indeksi i numrit të punësuarve ka shënuar rritje për 6.37 për qind, krahasuar me të njëjtën periudhë të një viti më parë. 

ASK publikoi edhe indekset e treguesve në aktivitetin e tregtisë, në tremujorin e parë të vitit 2021, të cilat tregojnë se indeksi i shitjeve neto në volum shënoi rritje për 15.69 për qind, krahasuar me të njëjtën periudhë të një vitit 2020.

Ndërkaq, indekset e treguesve në aktivitetin transport, magazinim dhe postë, në tremujorin e parë 2021, tregojnë se indeksi i shitjeve neto në volum ka shënuar rënie 8.04 për qind, krahasuar me tremujorin e parë të vitit 2020, mirëpo, indeksi i numrit të punësuarve, sipas ASK-së, shënoi rritje 46.37 për qind, krahasuar me të njëjtën periudhë të një viti më parë.

Indekset e treguesve në aktivitetin Bar-Restorante, në tremujorin e parë 2021 tregojnë se indeksi i shitjeve neto në volum shënoi rritje 100.78 për qind, krahasuar me të njëjtën periudhë të një viti më parë, indeksi i numrit të  punësuarve shënoi rritje 9.10 për qind, krahasuar me të njëjtën periudhë të vitit të kaluar.

Indekset e treguesve në aktivitetin Informacion dhe Komunikacion, në tremujorin e parë 2021 tregojnë se indeksi i shitjeve neto në volum shënoi rritje 20.29 për qind, krahasuar me tremujorin e parë të vitit paraprak, indeksi i numrit të punësuarve shënoi rritje 37.70 për qind, krahasuar me tremujorin e parë 2020. /Gazeta Sinjali/


Shpërndaje artikullin