Pjesëtarët e Policisë së Kosovës i kanë vendosur maskat në Aeroportin Ndërkombëtar të Prishtinës, kjo për shkak të gjendjes alarmante që është shpallur nga Organizata Botërore e Shëndetësisë para dy ditëve pas përhapjes së koronavirusit.

Ekipe mjekësore nga Klinika Infektive po qëndrojnë në Aeroportin e Prishtinës si dhe në pikat kufitare, ku janë në shërbim 24 orë për identifikimin dhe kontrollimin e udhëtarëve.

Në Kosovë gjatë ditës së djeshme tre persona që kishin ardhur nga Italia ishin dyshuar se kishin simptoma të virusit, por që rezultatet më vonë të shpallura nga Instituti Kombëtar i Shëndetësisë Publike dolën të jenë negative.

Koronavirusi ditëve të fundit ka prekur edhe vendet e rajonit. Numri i të vdekurve në Itali nga ky virus ka shkuar në 11. /Gazeta Sinjali/