Një pjesë e objekteve të qendrës së Prishtinës dje kanë mbetur pa ngrohje për shkak të një rrjedhje në rrjetin primar të ngrohjes në rrugën “Hajdar Dushi” dhe “Qamil Hoxha”.
Kryeshefi ekzekutiv i Ndërmarrjes Publike Termokos, Fisnik Osmani, ka thënë për Gazetën Sinjali se si shkak i një rrjedhje në rrjetin primar të ngrohjes në rrugën “Hajdar Dushi” dhe “Qamil Hoxha”, disa objekte të qendrës së qytetit kanë mbetur pa ngrohje.
Sot Osmani përmes një postimi në Facebook ka njoftuar se është rregulluar ngrohja në qendrën e qytetit.
Gjithashtu ai falenderoi ekipën për punën e jashtëzakonshme.
