Napoli nuk do të mund të përdorë Zielinski, Lobotka dhe Rrahmani në fushë nesër në mbrëmje kundër Juventusit, raporton Corriere dello Sport, përcjell Sinjali Sport.

Të tre janë futbollistët që Napoli i ka identifikuar si persona që kanë pasur kontakte të ngushta me pozitivë dhe të cilët, edhe pse të vaksinuar, nuk i janë nënshtruar dozës përforcuese (doza e tretë) dhe që vaksinimi me dozën e dytë ka ndodhur për më shumë se 120 ditë.

Të tre lojtarët, pra në rast kontakti me pozitiv duhet të respektojnë një periudhë karantine. Padyshim që të treve u bashkohen Meret, Mario Rui dhe Malcuit, të cilët tashmë janë të izoluar në shtëpi sepse janë me Covid.

Përveç tre lojtarëve, Departamenti i Parandalimit të Napolit ka karantinuar në shtëpi edhe një anëtar të stafit. Në total, karantina u organizua nga Napoli për 7 persona të klubit blu që banojnë në qendra të tjera përveç qytetit të Napolit. /Gazeta Sinjali Sporti/