Rrahjet nëpër rrugët e Prizrenit nuk janë të rralla, e ku në shumicën e rasteve përfundojnë me të lënduar e të arrestuar.
Një rast i tillë ka ndodhur edhe dje në rrugën “Mark Kaqinari”, ku tre persona u rrahën mes veti pas një mosmarrëveshje.
Për shkak të përleshjes Sinjali mëson se njëri prej tyre ka pësuar lëndime trupore dhe i është ofruar tretman mjekësor.
Tre personat e përfshirë në rrahje janë arrestuar, ku vetëm dy prej tyre janë dërguar në mbajtje, derisa i lënduari është liruar, shkruan Gazeta Sinjali.
Rasti dyshohet të ketë ndodhur rreth orës 13:00, të ditës së djeshme.
