Klubi amerikan D.C. United njoftoi sot se Wayne Rooney është emëruar si trajneri i ri i klubit.
Rooney, i cili më parë ka luajtur dhe ka qenë kapiten i klubit të Major League Soccer (MLS) për dy vjet nga 2018 deri në 2019, do të kthehet në D.C. United pas një qëndrimi dy vjeçar si menaxheri i Derby County.
Rooney iu bashkua D.C. United në qershor 2018 si një lojtar. Gjatë kohës së tij te kuqezinjtë, Rooney luajti në 48 ndeshje, shënoi 23 gola dhe asistoi 15 të tjerë. Ai u votua për ekipin më të mirë të MLS në 2018, një All-Star në 2019 dhe ishte një finalist MVP i MLS në 2018.
“Wayne është një legjendë e futbollit dhe një nga menaxherët më emocionues dhe dinamikë në sportin tonë. Ai tashmë ka dëshmuar në karrierën e tij të re si trajner se di të drejtojë një grup përmes vështirësive“, thanë Jason Levien dhe Steve Kaplan bashkë-kryetarët e D.C. United. “
“Ai e kupton ligën tonë dhe çfarë duhet për të qenë i suksesshëm në Major League Soccer falë qëndrimit të tij dy vjeçar me ne si lojtar. Pasioni që ai tregoi teksa kishte veshur kuqezi elektrizoi qytetin tonë dhe klubin tonë dhe ne jemi shumë të emocionuar ta mirëpresim atë si trajnerin tonë.”
