Nga data 7 deri më 12 qershor në Pallatin e Rinisë në Prishtinë organizohet edicioni i 22-të i panairit të librit.
Panairi i librit po rikthehet në javën e parë të muajit qershor. Anita Bakalli si lexuese e librave po i gëzohet rikthimit të këtij panairit pasi ka mundësi që të blejë libra me zbritje 20 %, zbritje kjo që shtëpitë botuese e ofrojnë.
“Lexoj shumë libra dhe po i gëzohem këtij panairi pasi do të blej libra edhe më lirë“, thotë ajo.
Në këtë panair pjesëmarrës do të jenë 100 shtëpi botuese.
Ky panair organizohet nga Shoqata e Botuesve të Kosovës, në mbështetje të Ministrisë së Kulturës dhe Komunës së Prishtinës.
Edon Zeneli kryetar i Shoqatës së Botuesve të Kosovës thotë se panair është ngjarja kryesore e librit, në të cilin paraqitet puna e gjatë e botuesve dhe lexuesit pajisen me informacione mbi botimet më të reja.
“Panairi është ngjarja kryesore e librit, në të cilin paraqitet puna e gjatë e botuesve dhe lexuesit do të pajisen me informacione mbi botimet më të reja’’, thotë ai.
Panairi i fundit u mbajt në vitin 2019.
