Ministria e Shëndetësisë në Shqipëri, Ogerta Manastirliu, ka njoftuar se janë kthyer në atdhe 60 infermierë shqiptarë pasi përfunduan me sukses misionin humanitar në spitalet e Italisë, shkruan Gazeta Sinjali.

Manastirliu përmes një postimi në llogarinë e saj zyrtare në Facebook tha se ky është grupi i dytë i infermierëve që kanë shërbyer në ndihmë të popullit italian në luftën me koronavirusin, duke shtuar se janë rikthyer në atdhe shëndosh e mirë.

“Ka përfunduar me sukses misioni i grupit të dytë të 60 infermierëve që shërbyen në ndihmë të popullit mik italian. Infermierët tanë janë kthyer shëndosh e mirë në Shqipëri, pas misionit humanitar në spitalet #covid zonën e Marche në Itali”, ka shkruar ajo./GazetaSinjali/