Policia e Durrësit ka reaguar zyrtarisht në lidhje me ngjarjen që u regjistrua mbrëmjen e sotme në qytetin bregdetar, ku banesës së kreut të FSHF-së, Armand Duka iu vendos tritol. Ngjarja ndodhi rreth orës 22:10, në lagjen nr. 4, Durrës.

Burime zyrtare nga policia, bënë me dije se sasia e lëndës plasëse ishte vendosur para portës së banesës.

Më datë 24.01.2022, rreth orës 22:10, në lagjen nr. 4, Durrës, para portës së shtetasit A. D. dyshohet se ka shpërthyer një sasi lënde plasëse. Si pasojë e shpërthimit janë shkaktuar vetëm dëme materiale në portën e jashtme të banesës.

Grupi hetimor ndodhet në vendngjarje dhe po punon për sqarimin e rrethanave të ngjarjes. /GazetaSinjali/