Kryetari i Prishtinës, Përparim Rama tha se e kanë kryer dizejnimin e unazës së kryeqytetit.
Rama tha se ky projekt 350 milionë eurosh i duhet Prishtinës dhe se tash e katër muaj po e presin një nënshkrim nga ministri i Financave, Hekuran Murati.
“E kemi përfundu dizajnin e unazës së kryeqytetit. Jemi në pritje të një nënshkrimi qe katër muaj prej ministrit të Financave për me leju me vazhdu në pjesën tjetër. Është një projekt madhor i kryeqytetit i cili është mëse i nevojshëm. Na vyen një firmë e ministrit të Financave, për fat të keq. Nuk po e jep për momentin”, tha Rama në Frontal.
I pyetur se pse Murati nuk po nënshkruan, ai tha se “ministrit i duket shuma e madhe” paratë që parashihen të investohen.
