Barcelona ka fituar sfidën jashtëzakonisht të vështirë ndaj Betisit, në duelin e xhiros së 35-të në La Liga.
Bluagranasit kanë fituar 2-1 me një gol të shënuar në fund të takimit.
Duhej të kalonin 76 minuta për tu realizuar goli i parë i ndeshjes, i cili erdhi nga Barcelona përmes Ansu Fatit.
Sidoqoftë gëzimi i katalanasve zgjati fare pak, pasi tre minuta më vonë vendasit barazuan përmes Marc Bartras.
Teksa po mendohej se dy skuadrat do të ndanin pikët, në skenë dolën dyshja e krahëve të mbrojtjes së Barcës, kur Dani Alves nga krahu i djathtë asistoi Jordi Alban në të majtë me këtë të fundit duke realizuar një eurogol ‘volley’.
GOALLLL JORDI ALBA IN THE DYING SECONDS pic.twitter.com/SpUZy64ziS
— Hamza (@lapulgafreak) May 7, 2022
Goli i spanjollit ishte i ‘nokautit’ pasi erdhi në minutën e fundit të shtesës, teksa nuk pati më asnjë aksion për t’u zhvilluar pas këtij goli.
Me këtë fitore, Barca bën një hap të madh drejt vendit të dytë në La Liga duke mbledhur tani 69 pikë, për të qëndruar pesë pikë larg Sevillas, por me andaluzianët që kanë një ndeshje më pak të zhvilluar.
Betisi ndërkohë mbetet në pozitën e pestë me 58 pikë, duke shpresuar tani në një lëshim nga Atletico për të synuar një vend në top katërshe në fund të këtij sezoni.
