Pas barazimit të serisë në ndeshjen mes Ponte Prizrenit dhe Pejës, edhe në gjysmëfinalen tjetër është barazuar seria, raporton Sinjali Sport.

Rahoveci ka arritur që të barazojë serinë ndaj Golden Eagle Yllit në kuadër të gjysmëfinales së Superligës.

“Vreshtarët” arritën një fitore ndaj rivalit të përbetuar Yllit me rezultat 68:65.

Basketbollistët e Rahovecit e filluan ndeshjen në mënyrë përfekte duke e fituar çerekun e parë me 17 pikë epërsi, e cila u zvogëlua deri në tre pikë, por jo për ta rikthyer rezultatin.

Ed Daniel ishte i pandalshëm te therandasit duke realizuar double-double prej 23 pikëve e 19 kërcimeve.

Në anën tjetër Gëzim Morina ishte më efikasi me 15 pikë dhe 12 kërcimeve.

Ndeshja e cila përcakton finalistin do të zhvillohet në palestrën “Mizair Isma” në Rahovec. /Gazeta Sinjali Sporti/