Qeveria shqiptare ka dhënë 1 milion euro ndihmë financiare dhe humanitare për Ukrainën, që ndodhet nën agresionin e rusëve që prej 24 shkurtit të këtij viti.
Ky fond do të përballohet nga fondi rezervë i buxhetit të shtetit, miratuar për vitin 2022. Mësohet se ky vendim ka hyrë tashmë në fuqi.
Shqipëria i është bashkuar vendeve të tjera të botës që po ndihmon financiarisht shtetin ukrainas.
Ndërkohë në një video-mesazh që presidenti i Ukrainës mbajti në Parlamentin tonë, shprehu falenderimet që Shqipëria dënoi agresionin rus.
