Kryeministri në detyrë i Kosovës, Avdullah Hoti, ka pritur sot në takim përfaqësuesit e Sindikatës së Bashkuar të Arsimit, Shkencës dhe Kulturës, të cilët i ka siguruar se, Qeveria në detyrë do të ndajë paga shtesë për punëtorët e arsimit, raporton Gazeta Sinjali.
Në takim me përfaqësuesit e SBASHK-ut, Kryeministri në detyrë ka biseduar edhe për Kontratën e re Kolektive, e cila pritet të finalizohet këtë të premte.
“Këstin e parë do ta marrin me pagën e muajit shkurt, ndërsa këstin e dytë me pagën e muajit maj”, ka thënë Hoti.
Në njoftim thuhet se për shumën e pagës shtesë, Ministria e Arsimit, SBASHK-ut dhe Ministria e Financave do të dakordohen në përputhje me mundësitë buxhetore.
Gazeta Sinjali ka kontaktuar edhe me kryetarin e SBASHK-ut, Rrahman Jashari, i cili ka thënë se gjatë kësaj jave, me takime të vazhdueshme të gjejnë një zgjidhje për dy kërkesat e SBASHK-ut.
“Besojë që deri në fund të kësaj jave edhe do të arrijmë marrëveshje të përbashkët, pra për të dyja çështjet”, ka thënë Jashari.
