Zëdhënësi i Qeverisë, Përparim Kryeziu, ka bërë me dije se takimi i kryeministrit Albin Kurti me presidentin serb Aleksander Vuçiq pritet të mbahet të dielën në Bruksel.
Në një prononcim për Radion Evropa e Lirë, ai nuk ka dhënë detaje tjera për takimin.
“Me gjasë nesër do të ketë një takim në Bruksel”, ka thënë Kryeziu.
Bashkimi Evropian ka bërë me dije se të dy palët i kanë ftuar për një takim në Bruksel për të gjetur një zgjidhje për çështjen e targave.
Një ditë me parë, zyrtarët qeveritarë janë shprehur optimist për arritjen e një marrëveshje për këtë çështje.
Ndërsa, ushtruesja e detyrës së shefes së Grupit Parlament të LV-së, Mimoza Kusari-Lila, në një debat me shoqërinë civile, ka paralajmëruar zgjidhje të shpejtë të kësaj çështje.
