image Qeveria miraton marrëveshjen në vlerë 15 milionë euro për shpërndarjen e vaksinave anti-COVID në Kosovë - Sinjali

Qeveria miraton marrëveshjen në vlerë 15 milionë euro për shpërndarjen e vaksinave anti-COVID në Kosovë

news image

Qeveria e Kosovës, ka miratuar Projektligjin në Kuvend të Kosovës për marrëveshjen ndërkombëtare me vlerë prej 15 milionë euro, mjete këto të destinuara për distribuimin e vaksinave anti-COVID, njofton Gazeta Sinjali.

Ministri i Financave, Punës e Transfereve, Hekuran Murati tha se kjo marrëveshje ka kaluar të gjitha fazat që parashihen me Ligjin për Ratifikimin e marrëveshjeve ndërkombëtare, ndërkaq ftoi ministrat të përkrahin edhe këtë marrëveshje si Projektligj.

Kjo marrëveshje kap vlerën totale prej 15 milionë eurosh. Mjetet financiare kanë për synim mbështetjen për distribuim të vaksinave kundër COVID-19, një pjesë e tyre do të destinohen edhe për mbështetje në furnizim me barna esenciale”, tha Murati.

Gjatë mbledhjes ministri i financave tregoi se pse është sjell kjo marrëveshje, ku tha se: “Duke pasur parasysh rëndësinë e madhe të kësaj marrëveshje dhe se ka kaluar të gjitha fazat që parashihen me Ligjin për Rartifikimin e marrëveshjeve, prandaj e kemi sjell sot para jush edhe si projektligj për tu miratuar”. /GazetaSinjali/


Shpërndaje artikullin