I akuzuari për sulmin terrorist në xhaminë e Christchurch në Zelandën e Re, pasi që u kap nga policia, tërë kohën kishte bërë një pyetje, të cilën e kishte përsëritur vazhdimisht.

Brenton Tarrant, 28-vjeçar, vazhdimisht i kishte pyetur: ‘Sa persona i kam vrarë?’ dhe ‘Sa persona i mora?’

Raportohet se Tarrant ishte në gjendje mentale jo të mirë pas arrestimit, por pasi që e kuptoi se u kap, ai tërë kohës pyeste se sa persona kishte vrarë.

Zyrtari policor nuk i ishte përgjigjur pyetjeve të tij, por besohet se ata këto fjalë i shkruan në deklaratat e tyre, të cilat do të përdoren kundër tij gjatë gjyqit.

Tarrant për momentin po mbahet në një burg të sigurisë maksimale duke pritur që të gjykohet për vrasjen e 51 myslimanëve në dy xhami në Zelandë të Re.