Punëtorët e kompanisë “NewCo Ferronikeli”, po protestojnë para institucioneve të Kosovës, derisa një pjesë e tyre ka tentuar të hyjë në oborrin e Kuvendit të Kosovës. Ata janë ndaluar nga zyrtarët policorë.
Protesta po mbahet nën organizimin e Sindikatës së Pavarur të Punëtorëve të Ferronikelit.
“Mos na diskrimino, punëtorët nuk janë privatizuar, punëtorët nuk janë të privatizuar, Kosovës plus 1000 raste sociale, kryeministër edhe punëtorët e Ferronikelit janë Kosovë”, ishin disa nga thirrjet e punëtorëve.
