Policia e Kosovës ka arrestuar një 29-vjeçar nga fshati Mushnikovë e Prizrenit pasi i njëjti kishte publikuar në rrjetet sociale fotografi me armë, transmeton Gazeta Sinjali.
Sipas policisë i dyshuari fotografinë e kishte postuar në Facebook.
Policia ka njoftuar se ndaj të dyshuarit me inicialet M.R. është ushtruar kallëzim penal për posedim të paautorizuar të armës.
Nga i dyshuari policia ka sekuestruar armën e tipit Revole ISSC M22 dhe një karikator të zbrazët.
Tutje në njoftim tregohet se rasti me urdhërin e prokurorit po hetohet në procedurë të rregullt.
