image Pse kur jemi me nerva jemi më të uritur? - Sinjali

Pse kur jemi me nerva jemi më të uritur?

news image

Kur jeni të nxehur është e lehtë të hani më shumë dhe papritur të lind dëshira të hash ëmbëlsira apo ushqime të kripura të paketuara, transmeton Gazeta Sinjali.

Por cila është arsyeja? Ushqimi të qetëson, sepse si të vegjël jemi mësuar ta shohim si një farë rikompensimi dhe ngushëllimi.

Edhe kur rritemi ky mekanizëm përsëritet dhe ja që ushqimi bëhet një ilaç për të dominuar tensionin dhe qetësuar emocionet.

Por rreziku është se mund ta ekzagjerojmë me racionet e për pasojë të marrim kg më shumë.

Ka disa këshilla që duhen për të mposhtur urinë e zemërimit dhe të mos shëndoshemi.

Një shëtitje në ajër të pastër të jep vitaminë D, vitamina që trupi e sintetizon falë ndihmës së rrezeve të diellit, që ndikojnë pozitivisht në humor dhe në oreks.

Konsumoni më shumë ushqime me triptofan i cili stimulon prodhimin e serotoninës, hormonit të lumturisë, që ndikon drejtpërdrejtë në humor dhe ju ndihmon të ndjeheni më të qetë. Atë e gjejmë te bishtajoret, farat, frutat e thata, çokollata fondente, banania dhe mishi i bardhë.

Bëni më shumë aktivitet fizik, që shkarkon tensionin dhe stresin duke favorizuar prodhimin e endorfinës, që njihet ndryshe si hormon i lumturisë.

Ushqimet e pasura me fibra të japin mundësinë të mbash të qëndrueshëm nivelin e sheqerit në gjak dhe në sasi të mëdha i gjeni te perimet dhe frutat e stinës, drithërat integrale. Kështu shmangni dëshirën për ëmbëlsira.

/Gazeta Sinjali/


Shpërndaje artikullin

Etiketat kryesore: