Restoranti “Evropa 93” është restoranti në të cilin shteti serb pranoi tërheqjen e forcave nga Kosova në vitin 1999. Tani restoranti është nxjerr në shitje nga ana e pronarit, ngase nuk ka mjete për renovimin e tij, transmeton Sinjali.

Pronari Ramadan Sadiku deklaron se ai kishte parë nga afër procesin e arritjes së marrëveshjes ndërmjet forcave paqeruajtëse të NATO-s dhe forcave serbe. Ai thotë se pavarësisht se restoranti ka një histori domethënëse për popullin shqiptar, ai është i detyruar ta nxjerrë në shitje.

“Evropa 93” tani është i mbyllur pasi është vjetruar. Nuk kom pas ndihmë as nga Qeveria e Kosovës si dhe nga Qeveria e Maqedonisë për renovimin e këtij lokali”, ka thënë Sadiku. /GazetaSinjali/