24-vjeçari nga Kosova është proceduar penalisht nga Policia e Lezhës pasi që ka goditur eskortën e ish-kryeministrit Sali Berisha, mbrëmjen e djeshme.
Si pasojë e këtij aksidenti, policia njofton se kanë mbetur të lënduar tre persona.
Policia ka bërë të ditur se pas aksidentit tre shtetasit e Kosovës kanë pranuar tretman mjekësor, ku më pas janë liruar pasi që gjendja e tyre ishte e mirë.
“Specialistët e Qarkullimit Rrugor në Drejtorinë Vendore të Policisë Lezhë proceduan penalisht shtetasin A.M., 24 vjeç, banues në Prishtinë, Kosovë. Ky shtetas, në aksin rrugor Milot-Thumanë, në Fushë Mamurras, duke drejtuar automjetin tip “Benz ” ka goditur mjetin tjetër tip “Benz ” me drejtues shtetasin S.L., 28 vjeç, banues në Tiranë dhe ky i fundit ka goditur mjetin shoqërues të deputetit S.B. Të 3 automjetet qarkullonin në një sens lëvizjeje, në korsinë e shpejtësisë.
Si pasojë e goditjes kanë marrë dëmtime të lehta drejtuesi i mjetit shtetasi A.M., dhe pasagjerët në këtë mjet E.S.,dhe A.M., banues në Kosovë, të cilët pasi kanë marrë mjekim në spital, janë larguar për në banesë”, njofton policia.
Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme, për veprën penale “Shkelja e rregullave të qarkullimit rrugor”, thuhet në njoftim.
