Kampioni i Kosovës në futboll, KF Prishtina ka luajtur kundër SS Folgore në kuadër të parakualifikimeve në Ligën e Kampionëve, transmeton Sinjali Sport.
Kryeqytetasit fituan me lehtësi me rezultat 2-0, ku të dy golat i shënuan në pjesë të dytë.
Pjesa e parë në këtë përballje ka përfunduar 0-0, edhe pse kryeqytetasit e Kosovës dominuan kundërshtarin nga San Marino, nuk arritën që të zhbllokojnë rezultatin.
Në fillim të pjesës së dytë më saktësisht në minutën e 50-të, Prishtina kaloi në epërsi me golin e Endrit Krasniqin.
Transferi Mendurim Hoti në minutën e 92-të realizoi golin e fundit, duke e përmbyllur këtë ndeshje me fitore.
Prishtina do të takohet me Inter Escaldes nga Andorra në ndeshjen e radhës parakualifikuese.
