Skuadra e Prishtinës me fitoren në udhëtim ndaj Gjilanit edhe matematikisht shpallet kampione e Superligës së Kosovës, shkruan Sinjali Sport.

Kryeqytetasit fituan me rezultat 2-1 ndaj Gjilanit në “Stadiumin e Qytetit”.

Golat nga Gledi Mici dhe Qëndrim Zyba ia mundësuan “bardhekaltërve” kurorëzimin me titull të ligës për herë të parë pas tetë vitesh.

Në anën tjetër në Superligën e Kosovës u zhvilluan edhe takimet tjera.

Drita e mposhti Drenicën me rezultat 0-3 si mysafire.

Ballkani si nikoqir e demoloi Trepçën’89 me rezultat 4-2, duke e dërguar në zonën e kuqe përsëri skuadrën mitrovicase.

Arbëria arriti një fitore të rëndësishme,  duke fituar me rezultat 3-2 ndaj Llapit.

Feronikeli e mposhti outsajderin e ligës Besën me rezultat 3-1.

Pas këtyre rezultateve, Prishtina u shpall kampion, Drita dhe Ballkani luftojnë për pozitën e dytë në xhiron e fundit.

Trepça’89, Arbëria, Feronikeli, Drenica dhe Llapi luftojnë për mbijetesë, ku  në xhiron e fundit do të kuptohet çdo gjë.   /Gazeta Sinjali Sporti/