image Presidentja Osmani është ftuar në Samitin për Demokraci, publikon ftesën e Bidenit

Politikë

Presidentja Osmani është ftuar në Samitin për Demokraci, publikon ftesën e Bidenit

news image

Presidentja e Kosovës Vjosa Osmani e ka konfirmuar se Kosova është ftuar nga presidenti amerikan, Joe Biden, për të marrë pjesë në Samitin për Demokraci që do të mbahet në dhjetor të këtij viti.

Osmani ka publikuar në Facebook ftesën zyrtare nga Presidenti Biden.

Mund të jetë një imazh i teksti

Falënderoj Presidentin Biden për ftesën në Samitin për Demokraci të organizuar nga Shtëpia e Bardhë si dhe vlerësimin për partneritetin e ofruar nga Kosova për të punuar drejt fuqizimit të shoqërisë demokratike që respekton të drejtat e njeriut, të cilat ia mundësojnë secilit qytetarë ta përmbush potencialin e vet.  Pas takimeve produktive të javës së shkuar në Washington, në të cilat jam njoftuar se Kosova do të jetë pjesë e këtij Samiti, jam e nderuar ta pranoj ftesën nga Presidenti Biden”, ka shkruar Osmani.

Ajo mes tjerash ka shkruar se “Pas takimeve produktive të javës së shkuar në Washington, në të cilat jam njoftuar se Kosova do të jetë pjesë e këtij Samiti, jam e nderuar ta pranoj ftesën nga Presidenti Biden”.

“Republika e Kosovës është shembull i ndritur i përpjekjeve të vazhdueshme për liri e demokraci. Si e tillë është model për rajonin tonë dhe më gjerë. Kosova do ta ndajë përvojën e saj të veçantë në ndërtimin e institucioneve dhe praktikave demokratike, në partneritet të jashtëzakonshëm me miqtë tanë ndërkombëtar – ku rol prijatarë kanë pasur Shtetet e Bashkuara të Amerikës“./GazetaSinjali/