Një çift austriak përfundoi me 24.000 pilula ekstazë, megjithëse kishte porositur dy fustane në internet, tha policia në Linc të Austrisë.

Hetuesit thanë se droga ishte me vlerë 500.000 euro.

Për çiftin nga Linci arritën dy pako, në njërën kishte një veshje që ata e prisnin nga Holanda, tjetra ishte jashtëzakonisht e rëndë.

Kur gruaja e hapi, pa çanta transparente me materiale me ngjyra për të cilat fillimisht mendoi se ishin guralecë për dekorim.

Por ishte e dyshimtë për burrin e saj, kështu që ai e ktheu paketën në zyrën postare nga e cila u thirr policia.

Hetuesit përfundimisht zbuluan se droga ishte dërguar në Austri në vend të Skocisë.

Policia skoceze ka arrestuar një person lidhur me rastin, ndërsa homologët e tyre holandezë po përpiqen të zbulojnë se kush e dërgoi paketën./Gazeta Sinjali/