Skuadra e Ponte Prizrenit e ka mposhtur Golden Eagle Yllin me rezultat 78:71, në kuadër të xhiros së shtatë të Superligës së Kosovës në basketboll.
Lojtarët më të dalluar te Prizreni ishin: Malcom Canada me 26 pikë, Arnol Sanders me 18 dhe Elliott Cole me 16. Ndërsa, te Ylli ishin Altin Morina me 16 pikë, Jamel McKay me 15 pikë, si dhe Samir Zekiqi me 14 pikë.
Kjo është fitorja e katërt e Ponte Prizrenit, përderisa numëron edhe tre humbje. Ndërsa, Golden Eagle Ylli ka katër fitore dhe dy humbje./Gazeta Sinjali/
