Dje në rrugën “Artan Kovaçi” në Prishtinë, persona të panjohur kanë helmuar disa qenë endacakë, me ç’rast edhe kanë ngordhur, shkruan Gazeta Sinjali.
Sinjali mëson nga burimet në Polici se të dyshuarit ende nuk janë gjetur.
Të njëjtit, u kishin hedhur qenve produkte të ndryshme të mishit, që dyshohet se ishin të prishura.
Po ashtu, Sinjali mëson se produkti i mishit është marrë për ekzaminim nga zyrtarët e AVUK-ut.
