Pak më parë Gazeta Sinjali raportoi për një aksident në fshatin Nerodime të komunës së Ferizajt, ku një kamion për pak ka rënë nga ura.
Zëdhënësi i policisë për rajonin e Ferizajt Mehmetali Hajdini, ka bërë të ditur për Sinjalin se aksidenti ka ndodhur në mes të dy automjeteve, ku vetëm dy gomat e para të kamionit kanë rënë në urë, në momentin kur ia ka lëshuar rrugën automjetit tjetër.
Siç bëhet e ditur si pasojë e këtij aksidenti një person ka pësuar lëndime trupore dhe ka pranuar tretman mjekësor.
“Aksident i lehtë në mes të dy autmojeteve, kamioni e ka lëshuar rrugën afër urës, rreth 1 metër e gjysmë, vetëm gomat e para kanë rënë. Si pasojë e këtij aksidentit, lëndime të lehta turpore ka pësuar vetëm një person, i cili pasi ka pranuar tretman mjekësor është liruar menjëherë”, ka thënë Hajdini për Sinjalin.
