Drejtori i Zyrës për Kosovë, Petar Petkoviq i ka reaguar kryeministrit Albin Kurti pas deklaratave të tij në një media kroate, duke thënë se duke u munduar ta sulmojë presidentin Vuçiq, ai më së shumti flet për veten dhe komplekset e tij.
Petkoviq, duke reaguar ndaj intervistës së Kurtit për “Veçernji list”, ku tha se “Vuçiq është lider autoritar”, ka deklaruar se Kurti nuk është gjë tjetër veçse “një lepur i maskuar si dhelpër, që ëndërron kot të jetë ujk dhe Vuçiq”.
“Përmes mediave kroate, Kurti gjen një terren të përshtatshëm për urrejtjen e tij të sëmurë dhe obsesive ndaj Aleksandar Vuçiqit, duke zgjedhur pikërisht ditën kur serbët po mbajnë zi për masakrën e 14 korrësve serbë në Stari Gracko”, tha Petkoviq në një deklaratë.
Ai shtoi se, sado që Kurti dhe mediat kroate ishin të bashkuar në luftën hibride kundër Serbisë dhe Vuçiqit, kjo ishte një shenjë më e qartë se Serbia është në rrugën e duhur dhe serbët nga Kosova janë edhe më fort me Vuçiqin.
“Prandaj sulmon familjen Vuçiq, prandaj i dërgon falangat për të ngacmuar Danilo Vuçiqin, prandaj merr armë të ndryshme, për të mos u trimëruar dhe inkurajuar, sepse edhe ai ka frikë nga hija e Vuçiqit”, thekson Petkoviq.
“Është turp kur absolutistët si Kurti, të cilët ëndërrojnë “Shqipërinë e madhe” dhe duan Lidhjen e Dytë të Prizrenit, bëjnë thirrje për demokraci dhe me çdo veprim të tyre tregojnë fytyrën e tyre antiqytetëruese”, ka përfunduar Petkoviq.
