Kryetari i komunës së Rahovecit, Smajl Latifi, në mbledhjen e sotme të kuvendit komunal ia ka zënë foltoren kryetarit të kuvendit komunal të kësaj komune, Defrim Kafexhiu, që vjen nga radhët e Vetëvendosjes.
Në Rahovec është mbledhur kuvendi komunal, ndërsa, sipas raportimit të KosovaPress, në rend dite ishte shqyrtimi dhe miratimi i propozim vendimit për bartjen e mjeteve vetanake nga viti 2021 në vitin 2022.
Në këtë pikë u paraqiten mospajtime mes pozitës e opozitës, teksa në fund kuvendi me shumicë të votave, votoi pro shtyrjes së kësaj pike për në mbledhjen e radhës.
