Pesë persona janë lënduar si pasojë e një aksidenti të shkaktuar mes tri veturave sonte rreth orës 21:10, në lagjen “Fidanishte” në Pejë, raporton Gazeta Sinjali.

Lajmin për Gazetën Sinjali e ka konfirmuar zëdhënësi i Policisë së Kosovës për rajonin e Pejës, Fadil Gashi, i cili tha se të lënduarit janë dërguar për tretman mjekësor.

“Rreth orës 21:10, tri vetura kanë qenë të involvuara në një aksident trafiku. Si pasojë, pesë persona kanë pësuar lëndime dhe janë dërguar në spitalin rajonal për trajtim mjekësor”, tha Gashi./Gazeta Sinjali/