Tre persona dyshohet se janë përleshur me thikë sot rreth orës 20:30 në rrugën “Vëllezërit Gërvalla” në Ferizaj, shkruan Gazeta Sinjali.
Si pasojë e kësaj përleshjeje një person ka pësuar lëndime trupore dhe i njëjti është dërguar për tretman mjekësor në Qendrën Emergjente në Ferizaj.
Kurse më pas është shoqëruar për në stacionin policor për të u intervistuar nga ana e policisë.
Ndërsa, dy të dyshuarit e tjerë kanë ikur nga vendi i ngjarjes me makinë në drejtim deri më tani të panjohur për policinë.
Lajmin për Gazetën Sinjali e ka konfirmuar zëdhënësi i Policisë për rajonin e Ferizajt, Kanun Veseli.
“Policia është në kërkim të tyre dhe po e trajton këtë rast”, ka thënë ai për Sinjalin.
