Dy persona janë shoqëruar në stacionin policor në Pejë nën dyshimin se të njëjtit kanë kryer veprën penale “kontrabandë me mallra”, shkruan Gazeta Sinjali.

Në raportin 24-orësh të Policisë së Kosovës bëhet e ditur se gjatë kontrollit në kamionin në të cilin gjendeshin dy të dyshuarit, janë hasur 11 krerë lopë, të cilat janë sekuestruar.

Të dyshuarit u kapen në fshatin Jabllanicë e Leshanit, dje rreth orës 08:30 të mëngjesit.

Ndërkohë, automjeti me të cilin po barteshin këto kafshë, të cilat dyshohet se janë të kontrabanduara, është dërguar në doganë.

Me vendim të prokurorit rasti shkon në procedurë të rregullt./Gazeta Sinjali/