Një 17-vjeçar nga fshati Baran i Epërm i Pejës, ka rënë në prangat e Policisë, nën dyshimet për ngacmim seksual, shkruan Gazeta Sinjali.
Arrestimi i tij erdhi pas denoncimit të një 17-vjeçareje, e cila njoftoi Policinë se i njëjti e ka ngacmuar seksualisht dhe sulmuar fizikisht.
Rasti dyshohet se ka ndodhur të premten, në orët e mbrëmjes, derisa viktima ishte bashkë me motrën e saj, kur u ballafaqua me të dyshuarin.
I mituri ka dhënë deklaratë para zyrtarëve policorë për motivet e rastit, teksa Prokurori ka marrë vendim që ta ndalojë për 24 orë.
