image PDK në Klinë shkarkon nënkryetarin, dyshon se ka hyrë në pazare me AAK-në
[wp-story id="814678"]

Politikë

PDK në Klinë shkarkon nënkryetarin, dyshon se ka hyrë në pazare me AAK-në

news image

Kryesia e Degës së Partisë Demokratike së Kosovës në Klinë në mbledhjen e mbajtur sot me datë 02. 10.2022 me vota unanime shkarkoi nga pozita e nënkryetarit dhe kryesisë, Enver Berishën.

Përmes një njoftimi në Facebook, PDK dyshon se nënkryetari i deritanishëm i degës në Klinë është futur në pazare me partinë në qeverisje, Aleanca për Ardhmërinë e Kosovës.

“Pas një debati të gjatë dhe analize të hollësishme, kryesia e Degës së PDK-së në Klinë vendosi që të shkarkojë Enver Berishën nga pozitat udhëheqëse të Degës për arsye se i njëjti kohëve të fundit është futur në negociata e pazare me partinë në pushtet (AAK) për të përfituar personalisht dhe familjarisht pozita udhëheqëse në qeverisjen lokale” thuhet në njoftim.

Postimi i plotë:

Kryesia e Degës së PDK-së në Klinë në mbledhjen e mbajtur sot me datë 02. 10.2022 me vota unanime shkarkoi nga pozita e nënkryetarit dhe kryesisë, Enver Berishën.

Pas një debati të gjatë dhe analize të hollësishme, kryesia e Degës së PDK-së në Klinë vendosi që të shkarkoi Enver Berishën nga pozitat udhëheqëse të Degës për arsye se i njëjti kohëve të fundit është futur në negociata e pazare me partinë në pushtet(AAK) për të përfituar personalisht dhe familjarisht pozita udhëheqëse në qeverisjen lokale.

PDK, Dega në Klinë konsideron se është e drejt e z. Berisha të zhvilloj negociata dhe të përfitoj pozita udhëheqëse personale e familjare nga partia në pushtet por jo duke qenë nënkryetar dhe anëtar i kryesisë së PDK-së .

/GazetaSinjali/