Mesfushori francez, Paul Pogba, thuhet se është i vendosur të largohet nga Manchester United dhe të rikthehet te Juventusi, transmeton Sinjali Sportiv.

‘The Times’ shkruan se nëse reprezentuesi francez do mund të negociojë me krerët e klubit lidhur me largimin nga ‘Old Trafford’, ai ësht i vendosur që të rikthehet te kampioni italian, aty ku kishte kaluar 4 vite.

Edhe sipas agjentit të lojtarit, Mino Raiolas, 27 vjeçari nuk ësht i lumtur te ‘Djajtë e Kuq’ dhe do largohet gjatë verës.

Raiola gjithashtu ka paralajmëruar klubin anglez se mund ta humbasin lojtarin me parametra zero, nëse nuk vendosin për shitjen e tij gjatë verës së vitit 2021.

Paul Pogba ka kontratë të vlefshme me Manchester Unitedin deri në verën e vitit 2022 dhe sipas agjentit, Mino Raiola, mesfushori nuk do e vazhdojë kontratën. /Sinjali Sportiv/.