Emisari special i BE-së për dialogun Kosovë – Serbi, Miroslav Lajçak, ka mbërritur në qeveri për t’u takuar me kryeministrin e vendit, Albin Kurti.
Takimi i Lajçakut tek Kurti vjen pas atij që emisari pati me presidenten, Vjosa Osmani.
Lajçak ka ardhur në Kosovë për të diskutuar shtensionimin e situatës në veri të vendit.
Pas vizitës në Kosovë, ai nesër do të udhëtojë edhe për në Serbi, ku do të takohet me presidentin serb, Aleksandar Vuçiq.
