Pas plotë një shekulli jetë, ka vdekur ish-shefi i Kombeve të Bashkuara, Javier Perez de Cuellar, i cili ndihmoi ndërmjetësimin e armëpushimin në luftën Iran-Irak.

De Ceullar ka vdekur dje në Peru dhe lajmin për vdekjen e dha sot djali i tij.

Javier Felipe Ricardo Perez de Cuellar ishte një politikan dhe diplomat i Perusë i cili shërbeu si Sekretari i Përgjithshëm i Pestë i Kombeve të Bashkuara (OKB) nga 1 janari 1982 deri më 31 dhjetor 1991.

Ai udhëhoqi OKB-në gjatë periudhës kur ndodhi lufta tetëvjeçare midis Iranit dhe Irakut, si dhe lufta civile në El Salvador.

Ai ishte president i Këshillit të Sigurimit të Kombeve të Bashkuara nga 1973 deri më 1974 dhe ishte përfaqësues i përhershëm i OKB-së në Qipro nga 1975 deri në 1977.

Shefi aktual i Kombeve të Bashkuara, Antonio Guterres, më 19 janar, kur Javier de Cuellar, shënonte ditëlindjes e 100-të, shkroi në rrjetin social Twitter, për kontributin dhe arritjet e tij.

“Ne në Kombet e Bashkuara udhëhiqemi me shembullin e tij dhe jemi shumë mirënjohës për kontributet dhe arritjet e tij të shumta si Sekretar i Përgjithshëm”./GazetaSinjali/