Shërbimi Spitalor Klinik dhe Universitar i Kosovës ka njoftuar se nga 22 shtatori puna në në ambulanca specialistike do të rikthehet, për shkak të rënies së numrit të pacientëve të spitalizuar me COVID-19, shkruan Gazeta Sinjali.

Siç bëhet e ditur në njoftimin për media do të bëhet edhe dezinfektimi i hapësirave.

Nga e hëna gjithashtu janë liruar edhe hapësirat e klinikave interne dhe aty më nuk ka pacientë me COVID-19.

Kurse, sipas të dhënave nga Instituti Kombëtar i Shëndetësisë Publike të Kosovës në total numri i rasteve aktive me COVID-19 është 7,635.

Vendimi për rifillimin e punës në ambulancat specialistike erdhi pas kërkesës të shoqatës së pacientëve për nisjen e hetimeve, pasi që kjo shoqatë e kishte vlerësuar të jashtëligjshëm mosofrimin e shërbimeve jo urgjente.

Për këtë rast ka reaguar edhe Avokati i Popullit, Naim Qelaj i cili ka thënë se vendimet të tilla po merren pa bazë ligjore dhe po përbëjnë shkelje të të drejtave dhe lirive të njeriut./GazetaSinjali/