Në mbledhjen e parë të dy kuvendeve të Kosovës e Shqipëërisë, hapjen e e saj e bënë dy kryeparlamentarët shqiptarë, Glauk Konjufca e Lindita Nikolla.
Pas intonimit të himneve shtetërore të Kosovës e Shqipërisë, fjalën e morën dy kryekuvendarët që falënderuan të pranishmit për pjesëmarrje.
“Mirë se erdhët në Kuvendin e Shqipërisë, në mbledhjen e parë të përbashkët të Kuvendit të Shqipërisë dhe të Kosovës, të organizuar në prag të 110 vjetorit të pavarësisë së Shqipërisë. Jam shumë e lumtur që sot jemi bashkë me parlamentarë të Shqipërisë dhe Kosovës”, tha Nikolla.
Po ashtu, fjalën e mori edhe Konjufca për t’ia kaluar më pas homologes së tij.
“Duke ju uruar edhe unë mirëseardhjen dhe duke iu falënderuar juve, por posaçërisht Kuvendin e Shqipërisë dhe kryetaren për mbështetjen e pakursyer në organizimin e shkëlqyer të kësaj mbledhjeje. Kam kënaqësinë t’ia jap fjalën kryetares së Kuvendit të Shqipërisë, koleges sime, zonjës Lindita Nikolla”.
