Gazeta Sinjali sot raportoi se i paraburgosuri Faruk Iseni është vetëvrarë në Qendrën e Paraburgimit në Prizren.
Gazeta Sinjali në shtator kishte raportuar se si Iseni ia kishte grabitur një personi 20 mijë euro nga dora.
Iseni përderisa kishte provuar të këmbente monedha nga Franga në Euro, në një këmbimore në qytet, kur viktima ishte duke i numëruar të hollat në vlerë prej 20 mijë euro, ai i ka grabitur të hollat duke e goditur viktimën dhe ka filluar ikjen.
PAMJET:
Shërbimi Korrektues i Kosovës, njoftoi se 34-vjeçari Faruk Iseni dyshohet se u vetëvar në dritaren e banjos së qelisë.
Sipas SHKK-së, ai në vazhdimësi ka pasur probleme shëndetësore të natyrës mendore, ngecje në zhvillim mendor, për çka është trajtuar në vazhdimësi nga mjeku i burgut, psikiatri, psikologu.
