Një ngjarje e rëndë tronditi sonte Gjilanin, ku mbet i vrarë 22-vjeçari Egzon Rafuna, kurse u plagos 29-vjeçari Valdrin Halimi. Gjithë ngjarja dyshohet se ndodhi pas një përleshje që dy personat e përfshirë kishin mes vete, ndërsa ende nuk dihen motivet që çuan deri te kjo tragjedi.
Për të marrë më shumë informacione, Gazeta Sinjali ka kontaktuar me Drejtorin e Spitalit të Gjilanit, Arsim Eminin.
Emini ka njoftuar se Egzon Rafuna është dërguar në spital pa shenja jete dhe ka qenë i plagosur në pjesën e majtë të gjoksit.
Ndërkaq Emini ka bërë të ditur se i plagosuri, Valdrin Halimi ka dy plagë nga arma e zjarrit në regjionin e ijeve dhe është në gjendje të rëndë shëndetësore.
Sinjali iu sjellë pamje nga vendi i ngjarjes:
