Në nderim të 110 vjetorit të Pavarësisë së Shqipërisë, në sheshin “Zahir Pajaziti” është bërë parakalimi i Togut Ceremonial të FSK-së.
Shumë qytetarë të vendit u panë të ngazëllyer me këtë parakalim, ku u ndalën edhe për fotografi.
Përveç këtij aktiviteti, për nder të 28 Nëntorit janë organizuar edhe disa aktivitete të tjera.
Kurse, krerët e shtetit, Vjosa Osmani, Albin Kurti dhe Glauk Konjufca të hënën kanë qëndruar për vizitë në Shqipëri, ku janë pritur nga presidenti i Shqipërisë, Bajram Begaj dhe kryeministri Edi Rama.
