Frashër Krasniqi dhe Zgjim Hyseni, aktivistë të Partisë Socialdemokrate, janë arrestuar sot nga Policia e Kosovës, raporton Gazeta Sinjali.

Arrestimi i tyre u bë gjatë një aksioni të kësaj partie kundër deklaratës së emisarit special të BE-së për dialogun Kosovë – Serbi, Miroslav Lajçak lidhur me Asociacionin e komunave me shumicë serbe.

Këtë veprim të policisë kreu i PSD-së, Dardan Molliqaj e quajti politik dhe të patolerueshëm.

“Është i papranueshëm zelli i Policisë së Kosovës që të arrestojnë aktivistët politik që shprehin bindjet e tyre përmes aksioneve paqësore. Çdo arrestim i tillë është veçse politik prandaj është i patolerueshëm”, shkroi Molliqaj në profilin e tij në Facebook. /Gazeta Sinjali/