image Policia për arrestimin e aktivistëve të PSD-së në ZRrE: Nuk u bindën, i arrestuam 13 persona

Siguri

Policia për arrestimin e aktivistëve të PSD-së në ZRrE: Nuk u bindën, i arrestuam 13 persona

news image

Policia e Kosovës është deklaruar për arrestimin e zyrtarëve të PSD-së sot në ambientet e ZRrE-së.

Sipas policisë, zyrtarët e PSD-së janë arrestuar në rrugën “Bekim Fehmiu” në Prishtinë, saktësisht në objektin e ZRrE-së, nën dyshimet për pengim të personave zyrtar në kryerje të detyrës.

Në total numri i të arrestuarve është 13-të. Në mesin e të arrestuarve është kreu i PSD-së, Dardan Molliqaj si dhe zyrtarët Frashër Krasniqi, Nol Nushi etj.

“Megjithëse policia vazhdimisht u ka bërë thirrje që të dalin nga objekti dhe të vazhdojnë aktivitetin e tyre, duke mos penguar zyrtarët e institucionit në fjalë, të njëjtit nuk janë bindur”, thuhet në njoftimin e Policisë.

Më tej në njoftim thuhet se “Pas përfundimit të procedurave të nevojshme policore, konform rekomandimit të prokurorit të shtetit për cilësimin e veprës për të cilën dyshohen, personat e arrestuar do të procedohen më tej”.

/GazetaSinjali/